عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

  قصيدة سهره مع ابليس ((ابداع)) للشاعر جابر الكاظمي

اذهب الى الأسفل 
كاتب الموضوعرسالة
maytham
المدير العام
المدير العام
avatar

الاسد
عدد المساهمات : 117
تاريخ الميلاد : 18/08/1979
تاريخ التسجيل : 04/03/2010
العمر : 39
الموقع : http://xat.com/rrrrrrrrrrrrrrrrrrrrrrrrrrr

مُساهمةموضوع: قصيدة سهره مع ابليس ((ابداع)) للشاعر جابر الكاظمي   2011-10-02, 4:09 am


قبل كم يوم ليلة واحد بشعبان
مثل كل يوم أقضي ليلتي سهران
أبحر للنجوم .

أنطر نجم سعدي وانتظج وردي بعيني والسعد مابان
وعلى طبع صحبني من صغر سني أقضي الليل بين مهافة الأوزان
مره أبكي على حالي ومره اتغنى غنى العايش بغربه مو غنى البطران
وآنه ويا القوافي مناوره على الآه وعلى ظيم السفينه الفقدت السفان
وقبل ما أبدي وأكتب صدر أول بيت لن طار شلفان يطوح بركبان
منهو انت واشجابك بهذا الليل قال ابليس آنه جيت لك سلوان
قلتله وانكمش من لعنة الله عليك يالفرقاك عيد وشوفتك أحزان
عود أبو مره زعل مني وخزرني بغيظ مثل الذيب الأمعط لو خسر زعلان

قال شعندي وياك انه يا بن آدم علي ترمي الشتايم واللعن ألوان
تعال اقعد وخل نتحاسب آنه وياك ومابينك وبيني يحكم الوجدان
أنا الباري أمرني أسجد لآدم وما نفذت حكم الخالق الديان
قلت ياربي آنه أسجد لوجهك لكن كلفه علي ما أسجد لإنسان
خلقت آدم ياربي بقدرتك من طين وآنه الي خلقتني من سنى النيران
غضب رب الجلاله وقال روح إبعد وطردني من العبوديه ورحت ندمان
هذي قصتي ويا الباري يابن آدم هالنوبه أرجع لقصتك يبو فلان
من قابيل أبديها الي قتل هابيل شلون انسفك دمه ذوله موش خوان؟
هم آنه القطعت منحر النبي يحيى نبي وينذبح ماتجاوبني ذنبه ش كان؟
هم آنه القلت ياناس إعبدوني مثل فرعون وتحدى قوى الرحمن؟
هم آنه الردت أغدر النبي موسى يوم الي قلب ذيك العصى ثعبان؟
هم آنه الردت أغدر النبي يوسف مثل أخوته وتالي اتهمو السرحان؟
هم آنه الردت أصلب نبي عيسى على ذاك الصليب قبال أهل نجران؟
هم آنه الجبت وحشي على الحمزه وكلت كبده مثل زوجة أبوسفيان؟
وحق ربي الي تعبده الناس يابن آدم شفت منك مصيبه تشيب الرضعان
ابن بضعة نبيك طاح بارض الطف وجسمه بلا كفن وتكفن بتربان
وبني جنسه اعتنت من كل مهب وصوب وصدر حسين صار لخيلهم ميدان
وعقب قتله انحمل فوق الرمح راسه وعلى أيتام وحرايم حرقوا الصيوان
هم آنه القلت اقطع نزاع القوم ياحرمله وروح اقتل طفل عطشان؟
هم آنه السبيت اطفال فوق النوق ويسيره بت علي توقف وسط ديوان؟
اشكثر من عقب قتل حسين أهل بيته شافت محن وهموم وغصص واشجان؟
اشكر ربي لنه خلقني إبليس وما سواني واحد من أهل مروان
ما أرويلك شعملت بني العباس روح انشد عليها السجن والزنزان
مصايب لوَن أشرحها المقام يطول ومن همها يطيح على القاع ثهلان
آنه أدري شتريد تقول يا بن آدم تقول الظلم ولى وانتهت أزمان
واحنا بالتطور والعلم صرنا وراح الجهل واهله وقوض الطغيان
يا طغيان هذا الراح يا إبن آدم راح الروسيا يلي هدمت الشيشان؟
يادوله الذي مابيها ظيم وجور والياخذك عنها هوى النسيان؟
بالهند المجاعه تريد تنساها لوحرق المساجد بأرض باعيبتان؟
لوتنسى المذابح من قبل عامين وبشيعة علي شعملت أفغانستان؟
اشتنسى؟البوسنه لومذبحة قانا لو تنسى المآسي الجرت بالسودان؟
لو تنسى اللقيطه التسرح وتمرح ما بين الجنوب وهضبة الجولان؟
لوتنسى العراق شحل عليه من جور وبسجن الطواغي ترزح الشبان؟
يالوعه ومصيبه تهون يا إبن آدم؟وياهي الماتسجر بالقلب نيران؟
الأسرى من الكويت تريد تنساهم؟لوتنسى الغزو الي حير الأذهان؟
اشتنسى؟..المجزره الي جرت بفلسطين؟ لوتنسى اليهود الحرقوا القرآن؟
مننين تخاف يا إبن آدم وليش تخاف ؟هذا إنت الي ربك رفعلك شان
تخاف من اللقيطه دولة إسرائيل طلعت بالمذله من أرض لبنان
..إزعلت جنك كلامي مايصرف لك طبعك هذا طبعك يا بني الإنسان
كل هاي وتسميني اللعين ابليس وتصير إنت الوفي وأنا انحسب خوان
اختمها بعد وياك يابن أدم جنك ماتريد لسهرتك سلوان
لجن عندي وصيه وياك يابن آدم من تلعن إلعن نفسك ولا تلعن الشيطان.

_________________
الرجوع الى أعلى الصفحة اذهب الى الأسفل
http://maytham.hooxs.com
جودي
المدير العام
المدير العام
avatar

الاسد
عدد المساهمات : 80
تاريخ الميلاد : 18/08/1988
تاريخ التسجيل : 07/08/2011
العمر : 30

مُساهمةموضوع: رد: قصيدة سهره مع ابليس ((ابداع)) للشاعر جابر الكاظمي   2011-10-09, 8:57 am

نااااااااااااايس قلبي يسلمو ايديك بجد روعه Smile

_________________
الرجوع الى أعلى الصفحة اذهب الى الأسفل
 
قصيدة سهره مع ابليس ((ابداع)) للشاعر جابر الكاظمي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: . :: °ˆ~*¤®‰« ô_°القسم الثقافي والادبي°_ô »‰®¤*~ˆ° :: منتدى الشعر الشعبي-
انتقل الى: